اسلام آباد (نیوزڈیسک) نگران وزیر اعظم انوار الحق کاکڑ نے وفاقی کابینہ کا اجلاس بدھ کو طلب کرلیا ۔ ذرائع کے مطابق اجلاس میں وفاقی کابینہ ملکی سیاسی و معاشی صورتحال کا جائزہ لے گی،وفاقی کابینہ 6 نکاتی ایجنڈے پر بھی غور کرے گی۔ذرائع کے مطابق اجلاس میں خلیجی ممالک کے ساتھ فری ٹریڈ ایگریمنٹ کے پانچویں دور سے متعلق امور کا بھی جائزہ لیا جائے گا۔

ذرائع کے مطابق حج پالیسی 2024 ایک بار پھر کابینہ اجلاس میں پیش کی جائے گی۔ ذرائع کے مطابق بینکوں کو مالی سال 2021 تا 2022 میں زرمبادلہ پر غیر معمولی منافع پر ٹیکس کی منظوری لی جائیگی۔ذرائع کے مطابق اجلاس کے دوران پاکستان بزنس ویزہ آن لائن لسٹ میں مزید ممالک کو شامل کرنے کی منظوری لی جائے گی۔ذرائع کے مطابق آزاد جموں و کشمیر کونسل کے 2023 تا 2024 کیلئے بجٹ کی منظوری بھی ایجنڈے میں شامل ہے۔