لاہور (نیوزڈیسک) لاہور کے علاقے اچھرہ میں گھر میں آتشزدگی سے4 بہن بھائی جاں بحق ہوگئے۔ریسکو ذرائع کے مطابق آگ چوک بابا اعظم کے قریب رہائشی عمارت کی پانچویں منزل پر لگی،ریسکیو ٹیموں کے پہنچنے سے قبل چاروں بچے جان کی بازی ہار چکے تھے،ریسکیو ٹیموں کی جانب سے آگ پر قابو پاکر کولنگ کا عمل مکمل کرلیا گیا ہے۔

جاں بحق ہونے والے بچوں میں 12 سالہ ایمان، 8 سالہ نور فاطمہ، 5 سالہ ابراہیم اور 2 سالہ اسمعیل شامل ہیں ۔ پولیس کے مطابق واقعہ کی تحقیقات جاری ہیں۔دوسری جانب وزیر اعلی پنجاب محسن نقوی نے واقعہ پر گہرے دکھ اور افسوس کا اظہار کیا۔وزیر اعلی پنجاب نے جاں بحق ہونےوالے بچوں کے لواحقین سے اظہار تعزیت کرتے ہوئے پولیس سے افسوسناک واقعہ کی رپورٹ طلب کر لی ہے۔ وزیراعلی محسن نقوی نے کہا کہ دکھ کی گھڑی میں سوگوار خاندان سے دلی ہمدردی ہے اور سوگواران کے غم میں برابر کے شریک ہیں-