لاہور (نیوزڈیسک) جمعیت علمائے اسلام کے سربراہ مولانا فضل الرحمان نے اپنا ذریعہ معاش بتا دیا۔سمانیوز کے پروگرام کے دوران میزبان جگنو محسن نے مولانا فضل الرحمن سے سوال کیا کہ آپ کے بہت سارے گھر اور جائیدادیں، آپ کا ذریعہ معاش کیا ہے؟۔مولانا فضل الرحمن نے جواب دیتے ہوئے کہا کہ ہماری وہیں زمینیں ہیں جو والد کی طرف سے ملی ہیں،میرا ذریعہ معاش اللہ کی طرف سے غیبی مدد ہے۔
انہوں نے مزید کہا کہ اگر اللہ تعالیٰ بےحساب دیتا ہے تو ہم کون ہوتے ہیں حساب کرنے والے۔

بتاتے چلیں کہ دسمبر2020ء میں پاکستان تحریک انصاف کی حکومت کے دوران اُس وقت کے وفاقی وزیر اطلاعات و نشریات سینیٹر شبلی فراز اور وفاقی وزیر امور کشمیر‘گلگت بلتستان علی امین گنڈا پور نے مولانا فضل الرحمان کے 1993 سے لیکر 2018تک مختلف ادوار میں اپنے بھائی ‘داما داور فرنٹ مینوں کے ذریعہ اربوں روپے مالیت کی بے نامی جائیدادیں بنانے‘ ڈیزل سمکلنگ‘ فنڈز میں بے ضابطگیوں اور کرپشن سے متعلق تفصیلات جاری کی تھیں۔

سابق وفاقی وزراء نے میڈیا کو مولانا فض الرحمان کی جائیدادوں سے متعلق بتایا کہ ان کا ڈی آئی خان میں ایک گھر اور ایک پلاٹ‘ایف ایٹ۔ اسلام آباد میں بنگلہ ‘دوبئی میں ایک فلیٹ ‘پشاور ‘کراچی اور کوئٹہ میں فلیٹس اور دوکانیں‘ڈی آئی خان پنیالہ میں ایک گھر اور 5 ایکٹر اراضی‘عبدالخیل ‘ڈی آئی خان میں ایک گھر /مدرسہ ‘5ایکٹر زرعی زمین‘شورکوٹ میں ایک گھر /مدرسہ ‘ 5ایکٹر اراضی ‘حال ہی میں مولانا فضل الرحمان نے سابق سینیٹر غلام علی اور اپنے داماد فیاض علی کے ذریعہ چک شہزار اسلام آباد میں 3 ارب مالیت کی اراضی خریدی ‘ کمرشل ‘ انڈسٹریل ‘ ریزرو پراپرٹیز(نان بزنس ) مالیت 47لاکھ کمرشل ‘ انڈسٹریل ‘ ریزرو پراپرٹیز(نان بزنس )عبدالخیل ‘ڈی آئی خان مالیت 15لاکھ ‘کمرشل ‘ انڈسٹریل ‘ ریزرو پراپرٹیز(نان بزنس )شور کوٹ ‘ ڈی آئی خان مالیت 25 لاکھ ‘کمرشل ‘ انڈسٹریل ‘ ریزرو پراپرٹیز(نان بزنس )شورکوٹ ‘ ڈی آئی خان ‘ مالیت 7لاکھ ‘ریزور ہائوس ‘ عبدالخیل سدوزئی‘ مالیت 15لاکھ ‘ریزور ہائوس ‘ شورکوٹ ‘ڈی آئی خان ‘ مالیت 25لاکھ ‘5کنال پلاٹ شور کوٹ ‘ مالیت 7لاکھ ہے۔