لاہور(نیوزڈیسک) لاہور ہائیکورٹ نے بطوربیوہ ملنے والی ملازمت دوسری شادی پر ختم کرنے کو غیر آئینی قرار دیدیا ہے عدالت نے درخواست گزار خاتون کی برطرفی کا حکم نامہ معطل کرتے ہوئے اسے بحال کرنے کاحکم دیا. لاہورہائیکورٹ کے فیصلے کے مطابق شوہر کی وفات پربیوہ کوملنے والی نوکری دوسری شادی پرختم نہیں ہوسکتی جسٹس چوہدری محمد اقبال کی سربراہی میں دو رکنی بنچ نے فیصلہ سنا یا.

ہائیکورٹ نے خاتون کی اپیل پر9 صفحات کا فیصلہ جاری کیا ہے فیصلہ کے مطابق بیوہ کوملنےوالی سرکاری نوکری دوسری شادی پر ٹرمینیٹ نہیں کی جائیگی بیوہ شادی کرسکتی ہے یہ ایک عورت کا شرعی اور بنیادی حق ہے بیوہ کودوسری شادی پرنوکری سے نکالنا شرعی قوانین کی خلاف ورزی ہے جس قانون کی بنیاد پربیوہ کونکالاگیااس پر سپریم کورٹ کا فیصلہ آچکا ہے.
عدالت نے نوکری سے نکالنے کانوٹیفکیشن کالعدم قراردیتے ہوئے درخواست گزار خاتون کی برطرفی کا حکم نامہ معطل کرکے اسے نوکری پر بحال کرنے کاحکم دیا ہے. درخواست کے متن میں کہا تھاگیا کہ شوہرکی وفات کے بعد2020کو پاکستان منٹ میں نائب قاصد کی نوکری ملی درخواست میں موقف اختیار کیا گیا کہ بیوہ خاتون نے 2021میں دوسری شادی کرلی دوسری شادی کی بنیاد پرسرکاری ملازمت سے برخاست کردیا گیاہمارا مذہب اسلام اور شریعت بیوہ کو شادی کی اجازت دیتا ہے.