لاہور(نیوزڈیسک) پی ٹی آئی کے 2014ء کے دھرنے کیخلاف درخواستیں10سال بعد سماعت کیلئے مقررکر دی گئیں، چیف جسٹس لاہور ہائی کورٹ عالیہ نیلم کی سربراہی میں 3 رکنی فل بینچ 10 اکتوبر کو سماعت کرے گا۔لاہور ہائی کورٹ کے رجسٹرار آفس کی جانب سے اس حوالے سے کاز لسٹ جاری کر دی ۔تحریکِ انصاف کے دھرنے کے خلاف درخواست دائر کرنے والے وکیل اے کے ڈوگر انتقال کر چکے ہیں۔
درخواستوں میں عوامی تحریک، جماعت اسلامی، پیپلز پارٹی سمیت دیگر جماعتوں کو فریق بنایا گیا تھا۔واضح رہے کہ 2014ءمیں پاکستان تحریکِ انصاف کے بانی اور پاکستان عوامی تحریک کے سربراہ طاہر القادری کے خلاف درخواستیں دائر کی گئیں تھیں۔درخواست گزار کا مو¿قف تھا کہ عدالتی حکم کے باوجود عمران خان اور طاہر القادری نے لاہور سے اسلام آباد کی طرف دھرنا دیا۔

دونوں رہنماو¿ں نے طویل دھرنا دے کر توہین عدالت کی۔ لہٰذا عدالت ان کے خلاف توہینِ عدالت کی کارروائی کرے۔خیال رہے کہ سابق وزیر اعظم عمران خان اور عوامی تحریک کے سربراہ طاہر القادری کے خلاف توہین عدالت کی درخواست پر جلد سماعت کیلئے لاہور ہائی کورٹ سے رجوع کیاگیا تھا۔معروف قانون دان اے کے ڈوگر نےلاہور ہائی کورٹ میں متفرق درخواست دائر کی ہے جس میں مرکزی کیس کی جلد سماعت کی استدعا کی گئی تھی۔
درخواست گزار کا کہنا تھا کہ عدالتی حکم کے باوجود عمران خان اور طاہر القادری نے لاہور سے اسلام آباد کی طرف دھرنا دیاتھا۔ دونوں رہنماﺅں نے طویل دھرنا دے کر توہین عدالت کی تھی۔عدالتی احکامات کے منافی عمران خان اور طاہر القادری کے اسلام آباد میں دھرنا دینے ، عدالتی احکامات سے روگردانی کرنے پر ان رہنماﺅں کے خلاف توہین عدالت کی درخواست دائر کی گئی تھی۔
درخواست گزار نے موقف اختیار کیا تھا کہ ہائی کورٹ میں عمران خان اور طاہر القادری کے خلاف توہین عدالت کی درخواست زیر سماعت تھی تاہم درخواست 3 ماہ سے سماعت کیلئے مقرر نہیں کی گئی تھی۔درخواست گزار نے استدعا کی تھی کہ توہین عدالت ایک اہم نوعیت کا معاملہ ہے، اس لیے عمران خان اور طاہر القادری کے خلاف درخواست جلد سماعت کیلئے مقرر کی جائے۔