اسلا م آباد (نیوزڈیسک) بانی تحریک انصاف کی اہلیہ بشریٰ بی بی کی سیاست میں نہ آنے اور پی ٹی آئی کی مشاورت میں شامل ہونے کی تصدیق کردی گئی ۔ذرائع کے مطابق بشریٰ بی بی سیاست میں نہیں آ رہیں مگر وہ بانی پی ٹی آئی کی ہدایات پارٹی تک پہنچائیں گی۔

وہ پارٹی کارکنوں کو آگاہ کریں گی کہ بانی پی ٹی آئی کی کیا کیا ہدایات ہیں۔ بشری بی بی نے دو روز قبل پشاور سے ملک بھر کی تنظیم کو احکامات جاری کیے تھے۔ ذرائع کا کہنا ہے کہ بشریٰ بی بی نے علیمہ خان کے قریب رہنے والے رہنماؤں کو گذشتہ روز ملاقات کے لیے نہیں بلایا جبکہ پی ٹی آئی کی مرکزی قیادت کو بھی مشاورتی عمل میں شامل نہیں کیا گیا ۔