راولپنڈی(نیوزڈیسک)جی ایچ کیو حملہ کیس میں بانی پی ٹی آئی عمران خان پر فرد جرم عائد کر دی گئی،عدالت نے بانی پی ٹی آئی سمیت دیگر80 ملزمان پر بھی فرد جرم عائد کی، پولیس نے سابق صوبائی وزیر راجہ بشارت کو عدالت کے باہر سے گرفتار کرلیا، انسداد دہشت گردی کی خصوصی عدالت کے جج امجد علی شاہ نے اڈیالہ جیل میں 9 مئی کے جی ایچ کیو حملہ کیس کی سماعت کی۔
بانی پی ٹی آئی عمران خان کو کمرہ عدالت اور شاہ محمودقریشی کو لاہور سے عدالت میں پیش کیا گیا۔اے ٹی سی جج امجد علی شاہ نے کمرہ عدالت میں فرد جرم پڑھ کر سنائی۔انسداد دہشتگردی عدالت نے حاضر 100 ملزمان پر فرد جرم عائد کی، جس میں ملزمان پر بغاوت، دہشتگردی، اقدام قتل، توڑ پھوڑ، جلاو گھیراو اور سازش مجرمانہ کے الزامات شامل ہیں۔

عدالت نے کیس کی آئندہ سماعت 10 دسمبر تک ملتوی کرتے ہوئے استغاثہ کی شہادت طلب کرلی۔

عدالتی فیصلے کے بعد قومی اسمبلی میں اپوزیشن لیڈر عمر ایوب کو حراست میں لے لیا گیا جب کہ سابق وزیر قانون راجا بشاورت کو بھی جیل سے نکلتے ہی گرفتار کرلیا گیا۔علاوہ ازیں پی ٹی آئی کارکن عظیم کو بھی گرفتار کرلیا گیا۔ تحریک انصاف کے رہنما احمد چٹھہ کو بھی حراست میں لے کر پولیس چوکی اڈیالہ منتقل کردیا گیا۔دوران سماعت پی ٹی آئی رہنماءعمر ایوب، زرتاج گل، شیخ رشید،راشد شفیق، صداقت عباسی، واثق قیوم عباسی، جاوید کوثر، ساجد قریشی، مسرت جمشید چیمہ، محمد احمد چھٹہ، عثمان ڈار ابھی عدالت میں پیش ہوئے۔
مقدمے میں عمران خان سمیت 143 افراد نامزد ہیں، کئی ملزمان کو عدالت پہلے ہی اشتہاری قرار دے چکی ہے۔بانی پی ٹی آئی کی جانب سے عدالت کے دائرہ اختیار کو چیلینج کرنے کی درخواست پر دلائل دئیے گئے، سپیشل پراسیکیوٹر نوید ملک اور ظہیر شاہ نے دلائل دئیے۔بعدازاں پولیس نے اڈیالہ جیل کے باہر سے سابق صوبائی وزیر راجہ بشارت کو گرفتار کرلیا۔قبل ازیںعدالت نے وزیراعلیٰ خیبر پختونخواہ علی امین گنڈاپور، شبلی فراز ، شیریں مزاری،زرتاج گل ،زین قریشی ،طیبہ راجہ کو گرفتار کر کے پیش کرنے کاحکم بھی دیا ہوا تھا۔
جبکہ ان کے ساتھ ساتھ دیگر تمام غیر حاضر 45 ملزمان کو بھی گرفتار کر کے پیش کرنیکا حکم ہے۔ وارنٹ گرفتاری والے ملزمان پیش نہ ہونے پرانہیں انہیں اشتہاری قرار دینے کی قانونی کارروائی شروع کی جائے گی۔خیال رہے کہ ہ سانحہ 9 مئی جی ایچ کیو حملہ کیس کا مقدمہ تھانہ آر اے بازار میں درج تھا۔ بتایا گیا تھا کہ مقدمے میں بانی پی ٹی آئی عمران خان سمیت 143 ملزمان نامزد ہیں، 23 ملزمان کو عدالت پہلے ہی اشتہاری قرار دے چکی تھی۔