اسلام آباد(نیوزڈیسک)پی ٹی آئی کی مذاکراتی کمیٹی کے ترجمان حامد رضا نے کہاہے کہ مذاکرات کامیاب ہوں یا نہ ہوں عمران خان جیل سے باہر آرہے ہیںانہوں نے کہا کہ عمران خان کے خلاف قائم تمام مقدمات میں بری یا ضمانتیں ہوچکی ہیں انہیں مزید جعلی مقدمات میں زیادہ دیر تک جیل میں نہیں رکھا جا سکتا.
ایک سوال کے جواب میں انہوں نے کہا کہ ہمارے پاس ایسی کوئی اطلاع نہیں کہ ہماری سابق وزیراعظم سے ملاقات کرائی جارہی ہے خواجہ آصف کے بیان سے لگتا ہے ان کا سافٹ ویئر اپڈیٹ ہوگیا ہے خواجہ آصف دو روز پہلے تک کہتے تھے کہ مذاکرات ہونے ہی نہیں چاہئیں اب کہتے ہیں اگر خدانخواستہ مذاکرات ناکام ہوگئے شکر ہے کہ خواجہ آصف حکومتی مذاکراتی کمیٹی میں نہیں ہیںورنہ پہلی میٹنگ ہی ناکام ہوجاتی.
انہوں نے کہا کہ دو اڑھائی سال سے یہ کہا جاتا تھا کہ عمران خان کے نام پر کاٹا لگ گیا ہے یا پی ٹی آئی ختم ہوگئی ہے، یہ بھی کہاجاتا تھا کہ ہم میں سے کچھ لوگ تو پاکستان میں بھی نہیں رہیں گے صاحبزادہ حامد رضا نے کہا کہ آج یہ وقت آگیا ہے کہ ان ہی لوگوں کے ساتھ بیٹھ کر بات کی جارہی ہے ہمارا موقف تھا کہ حکومت کے پاس فیصلہ سازی کا اختیار نہیں حکومت نے باور کرایا ہے کہ ان کے پاس فیصلہ سازی کا اختیار ہے.
مذاکرات سے متعلق ایک سوال پر انہوں نے بتایا کہ ہم نے حکومت کے سامنے2مطالبات رکھ دیئے ہیں تنا ﺅبرقرار رہے گا تو ہم پھر احتجاجی تحریک کی طرف جائیں گے وزیر اعظم سے متعلق ان کا کہنا تھا کہ شہباز شریف کو مختلف محاذوں پر لڑنا پڑرہا ہے اس لیے انہیں بہت وسوسے آرہے ہیں، ان کو ڈر ہے کہ کہیں ان کے بھائی دوبارہ مجھے کیوں نکالا نہ کہہ دیں. انہوں نے کہاکہ ہمارے مطالبات سنجیدہ ہیں حکومت چاہے تو2،3ملاقاتوں میں مسئلے کا حل نکل سکتا ہے،عمران خان سے ہماری ملاقات کرادی جاتی ہے تو تحریری مطالبات دے دیں گے،سابق وزیراعظم کی رہائی ان کی خواہش کے برعکس ہمارے مطالبات میں شامل ہے.