[ad_1]

کوئٹہ (مانیٹرنگ ڈیسک) تربت میں فراریوں کے ہتھیارڈالنے کی تقریب منعقد ہوئی، تقریب میں 200 فراریوں نے ہتھیارڈال کر قومی دھارے میں شامل ہوگئے۔ فراریوں کے ہتھیار ڈالنے کی تقریب ایف سی ہیڈکوارٹرزتربت میں ہوئی وزیراعلی بلوچستان میرعبدالقدوس بزنجواورکمانڈرسدرن کمانڈ لیفٹیننٹ جنرل عاصم سلیم باجوہ ،صوبائی وزیر حاجی اکبر آسکانی ،سابقہ صوبائی وزیر خزانہ اور بی این پی عوامی کے سینئر نائب صدر سید احسان شاہ سمیت اعلی فوجی و سول حکام اور عمائدین نے بھی شرکت کی۔ تقریب میں تقریبا 200

فراری ہتھیارڈال کر قومی دھارے میں شامل ہوئے، فراریوں نے ہتھیار وزیراعلی عبدالقدوس بزنجو کے حوالے کئے۔ہتھیار ڈالنے والے فراریوں کو نقد رقم بھی دی گئی۔ہتھیار ڈالنے والوں میں 15 کمانڈر شامل ہیں۔فرایوں کا تعلق مختلف کالعدم تنظیموں سے ہے۔اس موقع پر فراریوں نے ملکی، علاقائی اور قومی ترقی میں اپنا کردار ادا کرنے کے عزم کا اظہارکیا۔ان کے ہتھیار ڈالنے سے علاقے میں امن وامان کی صورت حال میں بہتری آئے گی۔ اس سے قبل بلوچستان کے مختلف علاقوں سے ایک ہزار800فراری ہتھیارڈال چکے ہیں۔

The post بلوچستان میں جنرل عاصم سلیم باجوہ کی موجودگی میں دو سو فراریوں نے ہتھیار ڈال دیے appeared first on JavedCh.Com.