(نمائندہ ٹی ایم نیوز) پنجاب حکومت اب تک 32لاکھ 50ہزار میٹرک ٹن گندم خرید چکی ہے‘حکومت کے پاس گوداموں مجموعی طور پر 35لاکھ 10ہزار میٹرک ٹن گندم موجود ہے۔ 91فیصد سے زائد باردانہ کاشتکاروں میں تقسیم کیا جا چکا ہے۔ وزیر اعلی پنجاب سردار عثمان بزدار کی زیر صدارت میں گندم خریداری مہم پر ہونے والی پیشرفت کا جائزہ لیا گیا‘گندم خریداری مہم کا تقریباً 73فیصد ہدف حاصل ہو چکا ہے۔

پنجاب حکومت ہدف کے حصول تک گندم خریداری مہم جاری رکھے گی- وزیر اعلی پنجاب کی گندم خریداری کا ہدف ہر صورت پورا کرنے کی ہدایت اور غیر معمولی حالات میں فوڈ سیکورٹی کو ہر صورت یقینی بنانا ہے - کورونا وباء کے باعث ہنگامی صورتحال کا سامنا ہے -موجودہ حالات کو مد نظر رکھ کر غیر معمولی اقدامات کرنا ہو ں گی- گندم خریداری مہم پورے زور و شور سے جاری رکھی جائے- جذبے سچے، نیت نیک اور عزم پختہ ہو توہرکام ممکن ہے - گندم خریداری مہم کا ہدف پورا کرنے والے اضلاع کے متعلقہ افسران کی حوصلہ افزائی کی جائے گی-ٹارگٹ پورا نہ کرنے والے اضلاع کے افسروں سے باز پرس ہو گی- وزیر اعلی عثمان بزدار کاگندم خریداری کا ہدف پورا کرنے کے لئے تمام ضروری اقدامات اٹھانے کی ہدایت کی ہے‘گندم ذخیرہ کرنے والے عناصر کے خلاف اینٹی ہورڈنگ آرڈیننس کے تحت کارروائی جاری رہے گی -سینئر وزیر عبدالعلیم خان، چیف سیکرٹری، سیکرٹری خوراک،سیکرٹری زراعت اور پرنسپل سیکرٹری وزیر اعلی پنجاب کی اجلاس میں شرکت‘فیصل آباد، سرگودھااور ساہیوال کے کمشنرز اور آرپی اوز ویڈیو لنک کے ذریعے شریک ہوئے۔