( ) ہزارہ برادری کے قتل میں ملوث عناصر کی نشاندہی کردی گئی۔ تفصیلات کے مطابق سابق وزیر داخلہ بلوچستان سرفراز بگٹی نے بتایا ہے کہ ہزارہ برادی کے خلاف ہونے واقعات میں ملوث ملزمان کی نشاندہی پہلے سے ہوگئی ہوئی ہے ، تحقیقات میں یہ واضح تھا کہ جتنے بھی را یا این ڈی ایس مل کر بلوچستان میں یہاں تک کارروائیوں میں ملوث ہے کہ ٹارگٹ بھی وہ ہی سلیکٹ کرتے ہیں ، وہ پاکستان میں اپنی پراکسی کی وجہ سے آپریٹ کرتے ہیں جن میں ٹی ٹی پی ، لشکر جھنگوی العالمی جیش الاسلام شامل ہیں ، جس سے بہت زیادہ نقصان تو ہوا لیکن ان دہشت گرد تنظیموں کے لوگ بھی مارے گئے ، مجھے لگتا ہے کہ ان دہشت گرد تنظیموں نے افغانستان میں خود کو کہیں ایک بار پھر سے خود کو منظم کرلیا ہے۔

نجی ٹی وی چینل کے ایک پروگرام میں گفتگو کرتے ہوئے انہوں نے کہا کہ دہشت گردی کے اس واقعے کو بھی پہلے والے تسلسل کے ساتھ جوڑیں تو جس میں تقریباً 80 ہزار پاکستانیوں نے جانیں دی ہیں ، دہشت گردی کی جو بنیاد ہے وہ نائن الیون کے بعد جو اس ملک میں شروع ہوئی ہے وہ دہشت گردی پاکستان میں آئی اور اس دہشت گردی نے جہاں ہمیں اربوں ڈالرز کا نقصان پہنچایا جب کہ انسانی جانوں کی صورت میں 80ہزار پاکستانیوں نے نذرانہ دیا ، جس مین سیکیورٹی فورسز کے اہلکار بھی شامل ہیں۔