اسلام آباد ( ) نئے پاکستان میں اب کوئی بھی قانون سے مبرا نہیں ہے ، ٹریفک قانون کی خلاف ورزی کرنے پر اسلام آباد ٹریفک پولیس نے پی ٹی آئی رہنما سینیٹر فیصل جاوید خان کا بھی چالان کردیا ۔
سوشل میڈیا پر جاری ایک تصویر میں دیکھا جا سکتا ہے کہ اسلام آباد ٹریفک پولیس کا ایک افسر فیصل جاوید خان کا چالان کررہا ہے، جبکہ فیصل جاوید اس کے پاس کھڑے ہیں ۔


واضح رہے کہ ٹریفک پولیس کی جانب سے قوانین کی خلاف ورزی کرنے والوں کیخلاف سخت کارروائی کی جا رہی ہے، اس سلسلے میں کسی کو بھی رعایت نہیں دی جا رہی ہے۔ ٹریفک قوانین کی پاسداری نہ کرنے کے باعث حادثات رونما ہوتے ہیں اور کئی جانیں ضائع ہو جاتی ہیں ۔ سڑک پر تیز رفتاری کے باعث حادثات میں کافی حد تک اضافہ دیکھنے میں آیا ہے ۔