لاہور(نیئوز رپوٹر) وزیراعلیٰ پنجاب سردار عثمان بزدار نے کہا ہے کہ کورونا کی تیسری لہر کے خطرناک اثرات سامنے آنا شروع ہوچکے ہیں -وزیر اعلی نے بتایا کہ کورونا کی وجہ سے ہسپتالوں میں رش بڑھ رہاہے -ہیلتھ سسٹم دباؤ کا شکار ہوسکتاہے-لاہور اور دیگر 8شہروں میں کورونا پازیٹو کیس کی شرح خطرناک حد کو چھو رہی ہے -وزیر اعلی عثمان بزدار نے کہا کہ عوام ماسک پہنیں، گھر میں رہیں اورسماجی فاصلہ اختیار کریں -اگر ماسک پہننے کی پابندی کو عادت نہ بنایا گیا توصورتحال مزید بگڑنے کا اندیشہ ہے - وزیر اعلی نے عوام سے اپیل کی کہ اپنے لئے اوراپنے پیاروں کی جان کی حفاظت کے لئے ماسک پہن کر گھر سے نکلیں -اگر ہر شہری ماسک پہننے کی پابندی عادت بنا لیں تو حالات نارمل ہو جائیں گے-انہوں نے کہا کہ عوام کو کورونا کے مکمل خاتمے کے لئے حکومتی اداروں سے بھرپور تعاون کرنا ہوگا-سختی نہیں کرنا چاہتے صرف اپنے لوگو ں کی جانوں کی حفاظت کرنا چاہتے ۔