اسلام آباد (نیوزڈیسک) ترجمان دفتر خارجہ زاہد حفیظ چودھری نے کہا ہے کہ پاکستان ایف اے ٹی ایف ایکشن پلان پر مکمل عملدرآمد کے قریب ہے، 27 میں سی24 اہداف پر عملدرآمد اس کا ثبوت ہے۔ رطانیہ کی جانب سے پاکستان کو ہائی رسک ممالک میں شامل کرنے کے معاملے پر بات کرتے ہوئے ترجمان دفتر خارجہ کی جانب سے جاری بیان میں کہا گیا ہے کہ پاکستان نے منی لانڈرنگ اورٹیرر فنانسنگ ٴترمیمی ریگولیشنز کا جائزہ لیا۔
برطانیہ کا پاکستان سے متعلق موقف حقائق پر مبنی نہیں ہے۔ترجمان دفتر خارجہ نے کہا کہ پاکستان نے گزشتہ دو سال میں اینٹی منی لانڈرنگ، کاؤنٹر ٹیرر فنانسنگ، قانون سازی، ادارہ جاتی اور انتظامی اقدامات اٹھائییہ اقدامات انسدا د منی لانڈرنگ ، اینٹی ٹیرز فنانسنگ سے متعلق تھے ان اقدامات سے ایف اے ٹی ایف اور یورپی یونین کو بھی آگاہ کیا گیا عالمی برادری نے پاکستان کے اقدامات کو تسلیم کیا۔
انہو ںنے مزید کہا کہ امید ہے کہ حقائق کی روشنی میں برطانیہ ریگولیشنز کا دوبارہ جائزہ لیتے ہوئے سیاسی بنیادوں پر غلط اقدامات سے اجتناب کرے گا۔واضح رہے کہ گزشتہ روز برطانیہ نے پاکستان کو 21 ہائی رسک ممالک کی فہرست میں شامل کردیا تھا۔ رپورٹ کے مطابق منی لانڈرنگ اور دہشت گردی کی معاونت جیسے مسائل سے دوچار ممالک کو اس فہرست میں شامل کیا جاتا ہے۔ہائی رسک ممالک کی فہرست میں پاکستان کا نمبر 15 واں ہے جبکہ اس میں شام، یوگنڈا، یمن اور زمبابوے بھی شامل ہیں۔