اسلام آباد(نیوز ڈیسک) وزیراعظم عمران خان نے نوجوانوں سے خطاب میں کہا ہے کہ حکومت زیادہ لوگوں کو بھرتی نہیں کر سکتے انہوں نے مشورہ دیا کہ نوجوان اپنے کاروبار کی طرف توجہ دیں‘انہوں نے کہا نوجوانوں کا مسئلہ بے روزگاری ہے حکومت کو پینشن کا بہت مسئلہ ہے زیادہ تر ممالک میں لوگ پرائیویٹ ملازمت یا چھوٹے کاروبار کرتے ہیں.
انہوں نے کہاکہ حکومت نوجوانوں کو جدید ہنرز سکھائے گی تاکہ ٹیکنالوجی کے شعبے میں کام کر سکیں وزیراعظم نے کہا جن نوجوانوں کے پاس کاروباری آئیڈیاز ہیں وہ اپلائی کریں حکومت ان کو قرضے دے گی عمران خان نے کہا کہ حکومت نوجوانوں کیلئے100 ارب رکھا ہوا ہے اور ہر سال اس کو بڑھائیں گے ہماری کوشش ہے کہ نوجوانوں کو روزگار ملے اور یہ ملک کو بھی اٹھا سکیں.
وزیراعظم نے ہدایت کی کہ نوجوان حکومت کے ہنرپروگرام سے فائدہ اٹھائیں اور جدید ہنر سیکھ کر ملک اور قوم کی ترقی میں حصہ ڈالیں نوجونواں کیلئے اپنے پیغام میں انہوں نے کہا کہ نوجوانوں کاسب سے بڑا مسئلہ روزگار ہے، روزگار پرائیوٹ سیکٹر میں ملتاہے یا لوگ اپنے کاروبارشروع کرتے ہیں. وزیراعظم نے کہا کہ ایک لاکھ 70ہزار اسکالر شپس ہنر سکھانے کیلئے د ے رہے ہیں، 50ہزار اسکالرشپس ہائرٹیکنالوجیز کیلئے دیں گے عمران خان نے کہا کہ نوجوانوں کے پاس کاروبارکیلئے آئیڈیاز ہیں تو میرٹ پر قرضہ دیاجائے گا اپنا کاروبار شروع کرکے نوجوان اپنے پیروں پر کھڑے ہو سکتے ہیں نوجوانوں کوروزگارکی سہولت دے رہے ہیں تاکہ ملک کو بھی اٹھاسکے.
انہوں نے کہا کہ کوشش ہے کہ ہر سال نوجوانوں کیلئے فنڈز میں اضافہ کیا جاسکے ، نوجوانوں کیلئے روزگار کے پروگرام لائے جارہے ہیں واضح رہے کہ گذشتہ روز وزیراعظم کے معاون خصوصی عثمان ڈار نے کہا تھا وزیراعظم کا وژن ہے کہ نوجوانوں کو اپنے پیروں پر کھڑا کرنا ہے، کامیاب جوان پروگرام حکومت کی کوئی وش لسٹ نہیں ہے، 2019 میں جب کامیاب جوان پروگرام شروع کیا تو پہلے نوجوانوں سے مشورہ کیا، بڑی تعدادمیں نوجوانوں کاکہنا تھا ہمیں فیصلہ سازی میں شامل نہیں کیاجاتا، ہم چاہتے ہیں ہمیں فیصلہ سازی میں شامل کیا جانا چاہئے.
عثمان ڈار کا کہنا تھا کہ یقین دلاتا ہوں کامیاب جوان پروگرام سیاسی بنیاد پر نہیں چلایا جارہا کہا جاتا ہے کسی وزیر اور مشیر کے آدمیوں کو پیسا ملتا ہے، عام آدمی کو نہیں، ایسے نوجوانوں سے ملا ہوں جون لیگ کو فالو کرتے ہیں اورپروگرام سے فائدہ اٹھایا.