اسلام آباد (نیوز ڈدیسک) اسلام آباد ہائیکورٹ نے ڈی ایچ اے کو زبردستی زمین حاصل کرنے سے روک دیا۔ جمعرات کو چیف جسٹس اسلام آباد ہائیکورٹ نے سہالہ میں زمین کی ایکوائر کا نوٹیفکیشن معطل کردیا ۔
دو بیواؤں نے ڈی ایچ اے کی جانب سے زبردستی زمین لینے کا نوٹیفکیشن عدالت میں چیلنج کیا ۔ عدالت نے کہاکہ سی ڈی اے کی منظوری کے بغیر ڈی ایچ اے براہ راست کیسے زمین ایکوائر کرسکتا ہی ۔لینڈ ایکوزیشن کلیکٹر نے ڈی ایچ اے کے لیے سہالہ میں 188 کنال زمین ایکوائر کرنے کا نوٹیفکیشن جاری کیا ۔اسلام آباد ہائیکورٹ نے ڈسٹرکٹ کلیکٹر، ڈی ایچ اے اور سی ڈی اے کو نوٹس جاری کرتے ہوئے 21 جون تک فریقین سے جواب طلب کرلیا۔