اسلام آباد (نیوز ڈیسک) سیکرٹری اطلاعات پیپلز پارٹی پارلیمنٹرین ،شازیہ مری نے کہا ہے کہ رنگ روڈ اسکینڈل نے مکارانہ احتساب کو بے نقاب کردیا ہے۔

اپنے بیان میں شازیہ مری نے کہاکہ زلفی، بزدار اور سرور کو دی جانے والی کلین چٹ احتساب کے منہ پر طمانچہ ہے ،دیکھنا یہ ہے کہ رنگ روڈ اسکینڈل کا ازخود نوٹس لیا جاتا ہے یا نہیں۔ انہوںنے کہاکہ زلفی ،بزدار اور سرور کے خلاف تحقیقات کو پی ٹی آئی کے پرچم میں لپیٹ دیا گیا ہے ، بچارے بیوروکریٹس کو نشانہ بناکر بیورو کریسی کو پیغام دیا جا رہا ہے ،ثابت ہوگیا ہے نام نہاد احتساب حکومت کا سیاسی ایجنڈا ہے