کراچی (نیوز ڈیسک) گورنر سندھ عمران اسماعیل سے جماعت غربااہلحدیث پاکستان وجامعہ ستاریہ الاسلامیہ کے علما پر مشتمل ایک وفد نے گورنر ہاؤس میں ملاقات کی۔

وفد کی قیادت مولانا پروفیسر حافظ محمد سلفی کر رہے تھے جبکہ علامہ ڈاکٹر عامرعبداللہ محمدی، مولانامفتی انس مدنی، علامہ عبدالخالق آفریدی، حشمت اللہ صدیقی، عمران احمد سلفی، مولانا مفتی صہیب شاہد، قاضی عبدالسمیع وفد میں شامل تھے۔

ملاقات میں باہمی دلچسپی کے موضوعات پر تبادلہ خیال کیا گیا۔ گورنر سندھ کو امیر جماعت حضرت مولانا عبدالرحمن سلفی کی طرف سے قرآن پاک کی تفسیر - "تفسیر ستاریہ" - کا تحفہ پیش کیا گیا۔ حشمت اللہ صدیقی نے اپنی کتاب (کھلے دریچے ) گورنر سندھ کو پیش کی۔ گورنر سندھ نے وفد کی جانب سے پیش کردہ تحریری سفارشات پر ہر ممکن تعاون کا یقین دلایا۔