لاہور(نیوز ڈیسک) پنجاب میں بلدیاتی الیکشن کے سلسلے میں سیکرٹری بلدیات نورالامین مینگل کی صوبائی الیکشن کمشنر غلام اسرار خان سے ملاقات ہوئی جس میں پنجاب میں بلدیاتی الیکشن کے اخراجات، الیکشن کے طریقہ کار، بیلٹ پیپرز کی تعداد ،حلقہ بندیوں اور بلدیاتی ایکٹ 2021 کے نفاذ کے حوالے سے تبادلہ خیال کیا گیا ۔
ملاقات میں بلدیاتی الیکشن کی تیاریوں کے لیے ورکنگ گروپ بھی تشکیل دیا گیا۔ترجمان کے مطابق لوکل گورنمنٹ اور الیکشن کمیشن کے آفیشلز ورکنگ گروپ کا حصہ ہوں گے ۔


ترجمان لوکل گورنمنٹ ورکنگ گروپ مقررہ وقت پر حلقہ بندیوں،الیکشن پر آنے والے اخراجات لوکل گورنمنٹ ایکٹ کے حوالے سے کوآرڈینیشن کرے گا۔ بلدیاتی انتخابات مارچ میں کروانے کے لیے ورکنگ گروپ کو اہم ذمہ داریاں تفویض کر دی گی ہیں .ترجمان لوکل گورنمنٹ ملاقات میں بلدیاتی ایکٹ 2021 کے نفاذ کے بعد 10روز میں حلقہ بندیوں کا عمل مکمل کروانے پر بھی غور کیا گیا۔

ترجمان لوکل گورنمنٹ کے مطابق ملاقات میں جوائنٹ صوبائی الیکشن کمشن پنجاب سائیںبخش،ڈائریکٹر الیکشن کمیشن پنجاب عبد الحمید اور لوکل گورنمنٹ کے لیگل ایڈوائزرز بھی موجود تھے۔