اسلام آباد (نیوز ڈیسک ) سپریم جوڈیشل کمیشن نے جسٹس عائشہ ملک کو سپریم کورٹ کی پہلی خاتون جج بنانے کی سفارش کردی، جوڈیشل کمیشن نے5 ووٹوں کی اکثریت سے تعیناتی کی سفارش کی، پارلیمانی کمیٹی کی منظوری کے بعد جسٹس عائشہ ملک سپریم کورٹ کی جج مقرر ہوجائیں گی۔

میڈیا رپورٹس کے مطابق چیف جسٹس سپریم کورٹ جسٹس گلزار احمد کی زیرصدارت جوڈیشل کمیشن کا اجلاس ہوا، اجلاس میں پانچ ووٹوں کی اکثریت سے جوڈیشل کمیشن نے منظوری کی سفارش کی ہے۔

جوڈیشل کمیشن نے سفارشات پارلیمانی کمیٹی کو ارسال کردی ہیں، پارلیمانی کمیٹی کی منظوری کے بعد جسٹس عائشہ ملک سپریم کورٹ کی جج مقرر ہوجائیں گی، جسٹس عائشہ ملک کو سپریم کورٹ کی پہلی خاتون جج تعینات ہوں گی۔ جسٹس عائشہ ملک 1966میں پیدا ہوئیں، ابتدائی تعلیم کراچی ، پیرس اور نیویارک سے حاصل کی، بی کام کی ڈگری کراچی سے حاصل کی، جبکہ لاہور سے ایل ایل بی کیا۔ لاہور ہائیکورٹ میں سنیارٹی لسٹ میں چوتھے نمبر پر ہیں،