اسلام آباد (نیوز ڈیسک) : وزیراعظم عمران خان نے کہا کہ ہم بلوچستان میں دہشتگرد حملہ ناکام بنانے پر اپنی بہادر سکیورٹی فورسز کو سلام پیش کرتے ہیں۔ تفصیلات کے مطابق مائیکروبلاگنگ ویب سائٹ ٹویٹر پر اپنے پیغام میں وزیراعظم عمران خان نے کہا کہ بہادر جوانوں نے پنجگور اور نوشکی، بلوچستان میں سیکیورٹی فورسز کے کیمپوں پر دہشت گرد حملوں کو ناکام بنایا۔
قوم ہماری حفاظت کے لیے بڑی قربانیاں دینے والی سکیورٹی فورسز کے پیچھے متحد کھڑی ہے۔

یاد رہے کہ گذشتہ رات بلوچستان میں سیکیورٹی فورسز نے دہشت گردوں کے حملوں کو ناکام بنادیا، جوابی کارروائی میں 4 دہشت گرد مارے گئے۔ پاک فوج کے شعبہ تعلقات عامہ (آئی ایس پی آر) کے مطابق بلوچستان کے علاقے نوشکی اور پنجگور میں دہشت گردوں نے سیکیورٹی فورسز کے کیمپوں کو نشانہ بنایا۔
آئی ایس پی آر کے مطابق دہشت گردوں نے پنجگور میں فورسز کے کیمپ میں دو اطراف سے داخلے کی کوشش کی، فورسز کی بروقت کارروائی سے دہشت گردوں کا حملہ ناکام بنایا گیا۔ ترجمان پاک فوج کے مطابق جوابی کارروائی میں دہشت گرد بھاری نقصان اٹھانے کے بعد بھاگ گئے، دہشت گردوں سے فائرنگ کے تبادلے میں ایک جوان نے جام شہادت نوش کیا۔ آئی ایس پی آر کا کہنا ہے کہ نوشکی میں فورسز کی جوابی کارروائی میں 4 دہشت گرد مارے گئے، نوشکی میں دہشت گردوں کی فائرنگ سے ایک جوان زخمی ہوا۔
قبل ازیں اپنے بیان میں صوبائی وزیر اطلاعات بشریٰ رند نےکہا تھا کہ نوشکی بازار مینگل روڈ پر واقع ایف سی ہیڈکوارٹر کے گیٹ نمبر 2 کے باہر زوردار دھماکا ہوا جس کے نتیجے میں اطراف کی سرکاری عمارتوں کے شیشے ٹوٹ گئے اور سول اسپتال کو بھی نقصان پہنچا۔ وزیراطلاعات کا کہنا تھا کہ رات کے وقت بازار بند ہونے کی وجہ سے شہریوں کا رش نہیں تھا۔
اس