لاہور (نیوز ڈیسک) پاکستان اور عمان کے اپنے خطوں کے امن کے حوالے سے مشترکہ مفادات ہیں۔ اور خاص طور دونوں ممالک کے عسکری تعلقات انتہائی مضبوط ہیں۔ انہی تعلقات کے تناظر میں گزشتہ دنوں پاکستان کے چئیرمین جوائنٹ چیفس آف اسٹاف لیفٹینٹ جنرل ندیم رضا کا سلطنت عمان کا خصوصی دورہ ۔ عمان پہنچنے پر جنرل ندیم رضا کا پرتپاک استقبال کے ساتھ گارڈ آف آنر بھی دیا گیا . دورہ کا مقصد دونوں ممالک کے مابین مشترکہ امور اور خطے کی بدلتی ہوئی صورتحال کے تناظر میں دونوں ممالک کو درپیش چیلنجز پر تبادلہ خیال کرنا تھا۔


چئیرمین جوائنٹ چیفس آف اسٹاف کی اعلی عمانی قیادت سے انتہائی مثبت ملاقاتیں ہوئیں جن میں عمان کے نائب وزیراعظم برائے دفاعی امور جناب سید شہاب بن طارق آل سعید ، سلطانی مسلح افواج کے جوائنٹ چیفس آف اسٹاف جناب عبداللہ الرئیسی، سلطانی آفس کے وزیر لیفٹینٹ جنرل سلطان محمد النعمانی اور دیگر حکومتی عہدیداران سے ملاقات ہوئی. گفتگو میں دونوں ممالک کے مابین عسکری تعلقات کو فروغ دینے ، اور اسٹراٹیجک تعاون کو مستحکم کرنے پر بھی تبادلہ خیال ہوا۔

اس موقع پر سفیر پاکستان جناب علی عمران چوہدری ، اور دفاعى اتاشى بھی موجود تھے ۔ معزز مہمان دورہ مکمل کر کے وطن واپس روانہ.