اسلام آباد(نیوزڈیسک)اسٹیٹ بینک آف پاکستان نے نوٹوں پر قلم سے کوئی بھی تحریر لکھنے پر پابندی لگادی ہے نجی ٹی وی کے مطابق اسٹیٹ بینک آف پاکستان کی جانب سے جاری کردہ اعلامیے میں کہا گیا ہے کہ نئے مالی سال 26-2025 کے آغاز پر یکم جولانی سے جس نوٹ پر قلم کی لکھائی موجود ہوگی، وہ نوٹ قابل قبول نہیں ہوگا.

اسٹیٹ بینک کا کہنا ہے کہ قلم کے استعمال سے نوٹوں کی خوبصورتی پہ اثر پڑتا ہے، یکم جولائی 2025 سے جس نوٹ پر لکھائی موجود ہوئی وہ نوٹ قابل قبول نہیں ہوگا مرکزی بینک کے اعلامیے سے ظاہر ہوتا ہے کہ لکھائی والے تمام نوٹوں کو 30 جون 2025 تک اسٹیٹ بینک میں جمع کرایا جاسکتا ہے، جس کے بعد قلم کی لکھائی والے نوٹ وصول نہیں کیے جائیں گے. واضح رہے کہ اکثر و بیشتر دکان دار نوٹ گننے کے دوران کوئی بات چیت کرتے ہیں، تو جتنے نوٹ گنے ہوتے ہیں وہ نمبر ہاتھ میں موجود قلم سے نوٹ پر لکھ دیتے ہیں تاکہ انہیں از سر نو نوٹ گننے نہ پڑیں اس طرح مارکیٹ میں زیر گردش نوٹوں پر قلم سے لکھی گئی مختلف تحاریر بھی موجود ہوتی ہیں جن سے کرنسی نوٹوں کی خوبصورتی متاثر ہوتی ہے.