کراچی(نیوزڈیسک) سندھ کابینہ نے کراچی میں رینجرز کی تعیناتی مزید ایک سال کےلئے توسیع کی منظوری دے دی ہے ترجمان وزیر اعلی سندھ کے مطابق رینجرز انسدادِ دہشت گردی ایکٹ کے تحت اختیارات کے ساتھ پولیس کی معاونت جاری رکھے گی، سندھ رینجرز کی تعیناتی کی نئی مدت 9 دسمبر 2025 سے موثر ہوگی. وزیر اعلی سید مراد علی شاہ کی زیر صدارت پیر کو سندھ کابینہ اجلاس منعقد ہوا، جس میں کابینہ نے ڈی ایچ اے پائپ لائن منصوبے کے لئے پانی کے نرخ میں نظر ثانی کی منظوری دی، ڈی ایچ اے کے لئے اب پانی کی قیمت 0.85 سے کم کر کے 0.

60 روپے فی گیلن مقرر کرنے کا فیصلہ کیا گیا ہے نئے نرخ کا فیصلہ کے ڈبلیو ایس سی اور ڈی ایچ اے مذاکرات میں کیا گیا، اور ادائیگی کا دورانیہ 10 سال برقرار رکھا گیا ہے. کابینہ کو بتایا گیا کہ اس منصوبے کی مالی پائیداری اور ڈی ایچ اے کے لیے قابل برداشت نرخ کو مدنظر رکھا گیا ہے سندھ کابینہ نے براﺅ ن فیلڈ سائٹس کی ازسرنو ترقی کے لئے کاربن فنانس حکمت عملی کی منظوری بھی دی، محکمہ توانائی نے پرانی صنعتوں پر سولر پارکس اور ونڈ فارمز بنانے کی تجویز دی، جام چکرو سائٹ کو جدید لینڈ فل بنانے اور دیگر ویسٹ سائٹس کو اپ گریڈ کرنے کا فیصلہ کیا گیا، وزیر اعلی نے ہدایت کی کہ سائنسی بنیادوں پر لینڈ فل سائیٹس اور بائیو گیس کے منصوبے بنائے جائیں.