پاکپتن(نیوزڈیسک)پاکپتن میں بانی پی ٹی آئی کی اہلیہ بشریٰ بی بی کے بیٹے موسیٰ مانیکا کی مبینہ فائرنگ سے 17سالہ ملازم زخمی ہو گیا، واقعے کی اطلاع ملتے ہی پولیس کی نفری اور ریسکیو اہلکار موقع پر پہنچ گئے اور زخمی نوجوان کو فوری طور پر ڈسٹرکٹ ہسپتال منتقل کیا گیا جہاں اس کی حالت خطرے سے باہر بتائی جا رہی ہے، واقعہ پیرغنی کے نواحی گاؤں میں خاور مانیکا کے ڈیرے پر پیش آیا۔
اطلاع ملتے ہی تھانہ صدر پولیس نے کارروائی کرتے ہوئے موسیٰ مانیکا کو ڈیرے سے گرفتار کر لیا۔پولیس کے مطابق موسیٰ مانیکا نے تکرار کے دوران طیش میں آکر فائرنگ کی جس سے 17 سالہ علی بہادر زخمی ہو گیا۔پولیس کا یہ بھی کہنا ہے کہ موسیٰ مانیکا سے پوچھ گچھ جاری ہے جبکہ واقعے کی تفتیش کاآغاز کردیا گیا ہے۔

چند ماہ قبل بانی پی ٹی آئی عمران خان کی اہلیہ بشریٰ بی بی اور خاور مانیکا کے بیٹے موسیٰ مانیکا رشتہ ازدواج میں منسلک ہوگئے تھے۔

شادی کی تقریب لاہور میں ہوئی تھی جس میں قریبی عزیز و اقارب نے شرکت کی تھی۔ فیملی ذرائع کے مطابق بشریٰ بی بی اور خاور مانیکا کے صاحبزادے موسیٰ مانیکا کی شادی کی تقریب لاہور میں بیدیاں روڈپر خاور مانیکا کے فارم ہاؤس میں ہوئی تھی۔فیملی ذرائع کا یہ بھی کہنا تھا کہ موسیٰ مانیکا کی شادی میں ایم این اے میاں احمد رضا مانیکا، ایم پی اے فاروق مانیکا، آصف مانیکا، سابق ایم پی اے دیوان عظمت چشتی اور قریبی عزیز وں نے شرکت کی تھی۔
تقریب میں صرف محدود افراد کو مدعو کیا گیا تھا۔ یاد رہے کہ اس سے قبل لاہور کے علاقے باٹا پور میں نا معلوم موٹر سائیکل سوار ڈاکوؤں کی فائرنگ سے نوجوان زخمی ہوگیا تھا۔ملزمان 22 سالہ یاسر سے 5 ہزار روپے نقدی چھین کر فرار ہوگئے تھے۔ زخمی یاسر کو طبی امداد کیلئے فوری طور پرہسپتال منتقل کیا گیاتھا جہاں اسکا علاج معالجہ کیا گیا تھا۔ پولیس کا کہنا تھا کہ ملزمان کو سی سی ٹی وی کیمروں اور دیگر ذرائع کی مدد سے ٹریس کیا جا رہا تھا۔ متاثرہ نوجوان کے ماموں آفتاب انور کی مدعیت میں 2 نا معلوم ملزمان کے خلاف مقدمہ درج کرلیا گیا تھا۔