امیر جماعت اسلامی پاکستان اور سینیٹر سراج الحق کہتے ہیں کہ وزیر اعظم کا جے آئی ٹی کے سامنے پیش ہونا قوم پر کوئی احسان نہیں ہے۔سراج الحق نے وزیر اعظم کے جے آئی ٹی کے سامنے پیش ہونے کے فیصلے پر تبصرہ کرتے ہوئے کہا ہے کہ مہذہب معاشرے میں حکمران عدلیہ اور قانون سے بالاتر نہیں ہوتے۔انہوں نے مزید کہا کہ ملک آئین و قانون کی بالادستی سے ہی ترقی کرتے ہیں،تاریخ میں بڑے نامور حکمران طلب کرنے پر عدالتوں میں حاضر ہوتے رہے ہیں ۔سراج الحق کا یہ بھی کہنا ہے کہ آئین اور قانون کی بالادستی کے بغیر کوئی قوم ترقی نہیں کرسکتی، الیکشن کمیشن 2018ءکے انتخابات سے قبل انتخابی اصلاحات کو یقینی بنائے۔