(نبیل ملک) غیر قانونی راستوں اور انسانی اسمگلرو ں کی مدد سے یورپ داخلے کی کوشش کرنے والے مزید پچیس پاکستانیوں کو یونان کی حکومت نے تین ماہ قید میں رکھنے کے بعد اپنے ملک سے بے دخل کر دیا ہے جنہیں ایئرپورٹ پہنچتے ہی امیگریشن حکام نے گرفتار کر کےجیل منتقل کر دیا ہے۔

ذرائع کے مطابق ایئرپورٹ ذرائع کے مطابق یونان کی حکومت نے مزید پچیس پاکستانیوں کو تین ماہ قید میں رکھنے کے بعد اپنے ملک سے بے دخل کر دیا ہے، یونان سے بے دخل کیے گئے پاکستانی گلف ایئرلائنز کی پرواز 764 کے ذریعے براستہ بحرین، لاہور بھجوائے گئے جنہیں ایئرپورٹ پر تعینات امیگریشن حکام نے طیارے سے اترتے ھی گرفتار کر لیا اور قیدیوں کی بس میں ڈال کر لاہور ایئرپورٹ سے جیل منتقل کر دیا۔

امیگریشن ذرائع کے مطابق یونان سے بے دخل کیے جانے والے پچیس پاکستانی مختلف انسانی اسمگلروں کو لاکھوں روپے ادا کر کے مختلف زمینی اور سمندری راستوں کی مدد سے یورپ جانے کی کوشش کر رھے تھے جن کے خلاف قانون کے مطابق کاررروائی عمل میں لائی جائے گی۔