پنجاب امن کونسل برائے بین المذاہب اور سیماب پروڈکشن کے زیر اہتمام پلاک میں مقبوضہ کشمیر کی کہانی پر مبنی سٹیج ڈرامہ ’’آذادی‘‘ دیکھایا گیا۔ فنکاروں کی پرفارمنس نے شائقین کو رلانے پر مجبورکردیا۔

سیماب پروڈکشن کے زیر اہتمام ہونے والے خصوصی سٹیج ڈرامے’’آذادی‘‘ کو دیکھنے شائقین کی کثیر تعداد نے شرکت کی اور فنکاروں کی پرفارمنس سے خوب محظوظ ہوئے۔ڈرامے کی کہانی مقبوضہ کشمیر میں بسنے والے مسلمانوں کی کہانی پر مبنی ہے جس میں بھارتی فوج کے مظالم کو بھی نمایا ں کیا گیا ہے۔

ڈرامے میں جہاں آزادی کی تحریک کو نمایاں کیا گیا ہے وہیں آزادی جیسی نعمت کو بھی دکھایا گیا ہے۔ ایسے ڈراموں کی نمائش سے جہاں شائقین کو مقبوضہ کشمیر پر ہونے والے بھارتی مظالم سے آگاہی ہوگی وہیں آزادی کی تحریک کو بڑھاوا بھی ملے گا۔