موسم گرما کی تعطیلات ختم ہونے کے بعد سیشن عدالت میں سائلین کاتورش لگ گیا لیکن ہڑتال کے باعث مقدمات کی سماعت نہ ہوسکی، سائلین عدالتوں کے باہراپنے وکلاء کا انتظارکرتے رہے۔

ذرائع کے مطابق موسم گرما کی تیس روزہ تعطیلات ختم ہونے کے بعد سیشن عدالت میں کام شروع ہوگیا لیکن وکلاء کی ہڑتال سے مقدمات کی سماعت نہ ہوسکی، عدالتی اہلکارپیشی کے لیے آوازیں لگاتے رہے لیکن کوئی بھی وکیل پیش نہ ہوا۔

بنچ اور بار تنازعے پر پنجاب بار کونسل نے ہڑتال کی کال دی رکھی تھی جس پر وکلاء عدالتوں میں پیش نہ ہوئے، سائلین کوایک بار پھر مایوس لوٹنا پڑا۔

سائلین نے وکلاء تنظیموں سے اپیل کی ہے کہ ہڑتال کر کے انہیں پریشان نہ کریں، مطالبات کی منظوری کیلئے کوئی اور طریقہ اختیار کیا جائے۔