سابق وزیراعظم کی اہلیہ بیگم کلثوم نواز کے میڈیکل ٹیسٹ کی ایک رپورٹ آگئی، جس کے مطابق بیگم کلثوم نواز کو گلے کا کینسر ہے۔ میڈیکل ٹیسٹ کی ابھی دو رپورٹس آنا باقی ہیں۔

تفصیلات کے مطابق بیگم کلثوم کے گلے کے کینسر کی تشخیص لندن میں ہوئی، بیگم کلثوم نواز کی 2 میڈیکل رپورٹس ابھی آنا باقی ہیں۔ ڈاکٹرز نے کہا ہے کہ سابق وزیراعظم کی اہلیہ کا کینسر قابل اعلاج ہے۔ڈاکٹرز نے بیگم کلثوم نواز کو مکمل آرام اور اعلاج کا مشورہ دیا ہے اسلیے وہ اب این اے 120 کی انتخابی مہم میں حصہ نہیں لیں گی۔ واضح رہے کہ بیگم کلثوم نواز کے حلقہ این اے 120 سے کاغذات نامزدگی کی منظوری کو پاکستان تحریک انصاف اور پیپلز پارٹی نے الیکشن ٹربیونل میں چیلنج کر دیا گیا تھا جسے بعد میں تمام اعتراضات مسترد کرتے ہوئے منظور کر لیا گیا تھا۔