صوبائی وزیرپرائمری ہیلتھ خواجہ عمران نذیرکی زیرصدارت سی ای اوزہیلتھ کی ویڈیوکانفرنس کا انعقاد کیا گیا۔کانگو اورسوائن فلو سے بچاؤ کے لئےاقدامات کا جائزہ لیا گیا ۔

خواجہ عمران نذیر نے سی ای اوزہیلتھ کو ہدایت کی کہ کانگو اورسوائن فلوکے پھیلنے کے خدشہ کے پیش نظر بچاؤ کے اقدامات کو بہتربنایا جائے۔ سرکاری ہسپتالوں میں کانگو اورسوائن فلو کے مشتبہ مریضوں کی تشخیص اور بروقت علاج کے انتظامات کے ساتھ جنرل پریکٹیشنرزسے بھی رابطہ کار بڑھایا جائے۔

محکمہ لائیوسٹاک کی مدد سے قربانی کے جانوروں کی منڈیوں کی کڑی نگرانی کی جائے اورتمام حفاظتی اقدامات پرعملدرآمد کو یقینی بنایا جائے ۔ کانفرنس میں ایڈیشنل سیکریٹری ٹیکنیکل ڈاکٹرعاصم الطاف ،سی ای او ہیلتھ لاہورڈاکٹرسعید اختر، ویڈیولنک پر تمام اضلاع کےسی ای اوز ہیلتھ نےشرکت کی۔