سانحہ ماڈل ٹاون پر انصاف کے حصول اور جسٹس علی باقر نجفی کی رپورٹ منظر عام پر لانے کے لیے عوامی تحریک کا لائحہ عمل تیار، ڈاکٹر طاہرالقادری کل پاکستان واپس پہنچیں گے۔

ذرائع کے مطابق پاکستان عوامی تحریک نے سانحہ ماڈل ٹاون پر حکومت پر دباو ڈالنے کے لیے لائحہ عمل تیار کرلیا ہے عید کے بعد فیصل آباد اور ملتان میں احتجاجی دھرنے اور جلسے کیے جائیں گے حتمی منظوری ڈاکٹر طاہر القادری دیں گے۔ عوامی تحریک کے سربراہ کل برطانیہ کے ڈیڑھ ہفتے کے دورے کے بعد وطن واپس پہنچیں گے۔

عید کے بعد ڈاکٹر طاہر القادری جلسوں اور دھرنوں کے شیڈول کا اعلان کریں گے جبکہ دیگر اپوزیشن جماعتوں کے ساتھ ملکر احتجاجی تحریک چلانے کے حوالے سے بھی مشاورت کی جائے گی۔